Shymkentte bolǵan jol apatynan úsh adam qaza tapty
ShYMKENT. QazAqparat - Shymkentte búgin úsh adam jol apatynan qaza tapty. Qaıǵyly aıaqtalǵan jol apaty Shymkent - Lengir tasjolynda bolǵan, dep habarlaıdy QazAqparat HAA tilshisi.
Belgili bolǵandaı, VAZ-2107 jeńil kóligi HOWO-men soǵysyp qalǵan. Jol apatynan jaraqat alǵan taǵy eki adam aýyr halde aýrýhanaǵa jetkizildi. Qalalyq jedel járdem aýrýhanasynyń dárigerleri eki jolaýshyny da aman alyp qalý úshin em-dom jasaýda.
Atalǵan aýrýhananyń qabyldaý bóliminiń meńgerýshisi Sábıt Baıbosynyovtyń aıtýynsha, eki naýqas ta er azamattar. Bireýi 30, ekinshisi 27 jasta. Ekeýiniń de jaǵdaıy aýyr dep baǵalanyp, jansaqtaý bólimine jatqyzylǵan.
«Naýqastardyń ishki organdaryna aýyr zaqym kelgen, es-tússiz jatyr. 30 jastaǵy naýqastyń ishinen qan ketip, bas súıegine zaqym kelgen, mıy shaıqalǵan. Baýyry jyrtylǵan. Ekinshi naýqas ta aýyr jaraqattanǵan. Ol kóliktiń aldyńǵy terezesinen shyǵyp ketkendikten betiniń kóp jeri tilingen. Bas súıegi jarylǵan mıy shaıqalǵan»,- deıdi Sábıt Baıbosynov.
Óńirdiń ІІD qyzmetkerleri jol apatynan oqıǵasynyń sebep saldary men kináli tulǵalardy anyqtaýda. Ázirge departamenttiń baspasóz qyzmeti oǵan qatysty qandaı da bir málimet taratpady.
