Shymkentte bokstan HHHH halyqaralyq týrnır bastaldy

ShYMKENT. QazAqparat – Shymkent qalasyndaǵy kásibı boks klýbynyń sport kesheninde Keńes Odaǵynyń batyry Qaraqozy Ábdálıevti eske alýǵa arnalǵan 40-shy halyqaralyq týrnırdiń jalaýy kóterildi. Jarysqa 7 memleketten 100-ge tarta bylǵary qolǵap sheberleri qatysýda, dep habarlaıdy QazAqparat tilshisi.

Halyqaralyq jarysqa Malaızııa, Aýǵanstan, Reseı, Ózbekstan, Qytaı, Tájikstan, Qyrǵyzstan elderiniń qurama komandasyna múshe sportshylar keldi. Týrnırdiń ashylý saltanatyna Qaraqozy Ábdálıevtiń baýyry Ońǵar Ábdálıev pen qalalyq dene shynyqtyrý jáne sport basqarmasy basshysynyń orynbasary Ernur Saparbaev, dańqty boksshy KSRO sport sheberi Seıdahmet Qonaqbaev qatysty.

Sonymen birge týrnırdiń qadirli qonaǵy retinde osy týrnırdiń bir kezdegi jeńimpazdary bolǵan bokstan Qazaqstan quramasynyń jattyqtyrýshysy Myrzaǵalı Aıtjanov pen Azııa oıyndarynyń jeńimpazy Qanatbek Shaǵataev, Atlanta olımpıadasy quramasynyń kapıtany QRESSSh Nurjan Smanov pen Argentınada ótken álem chempıonatynyń júldegeri Quralbek Buqarov qatysyp otyrdy. Jarysty uıymdastyrýshy ári kásibı boks klýbynyń dırektory Zańǵar Qasqaev osy mektepten Azııa chempıonatynda jeńiske jetken jas sportshylarǵa qurmet jasady. Alǵashqy jekpe-jekterdiń qorytyndysynda Ózbestan, Reseı jáne alań ıelerimen Túrkistan oblysynyń boksshylary myqtylyq tanytýda. 31 qazan kúni ótetin aqtyq synda týrnırdiń chempıondardy anyqtalatyn bolady.

Aıta keteıik, tarıhy tereńde jatqan halyqaralyq boks týrnıri Qazaqstan men Ózbekstannyń bylǵary qolǵap sheberlerin shyńdalýyna kóp septigin tıgizip keledi. Odaq kezindegi osy jarysqa qatysqan qanshama olımpıada chempıondary sheberligin shyńdady. Sportshylar týrnırdegi alǵan tájirıbesiniń arqasynda olımpıada oıyndarynyń jeńimpazdary da atandy. Olardyń qatarynda Rýslan Chagaev, Galıf Japarov, Gennadıı Golovkın syndy álem chempıondary bar.