Shymkentte bokstan halyqaralyq chemıonat bastaldy
ShYMKENT. QazAqparat - Shymkentte bokstan halyqaralyq chemıonat bastaldy. «Biz esirtkige qarsymyz!» degen uranmen uıymdastyrylǵan baıraqty básekege elimizdiń birneshe oblysy men kórshi ózbek eliniń bylǵary qolǵap sheberleri qatysty, dep habarlaıdy QazAqparat tilshisi.
Jas sportshylar básekesiniń ashylý barysynda elimizdegi sportty damytý baǵytynda atqarylyp jatqan jumystar sóz bolyp, boksty nasıhattaý úshin memleket tarapynan kórsetilip jatqan qoldaýlar jaıy aıtyldy. Jyl saıynǵy dástúrli túrde ótetin jarysta bıylǵy jyly 300-ge tarta sportshy baǵyn synady. Jastardy buqaralyq sportqa baýlyp, jaman ádetten aýlaq bolýǵa shaqyrý maqsatynda uıymdastyrylǵan saıysqa 24 pen 58 keli arasyndaǵy salmaq dárejesindegi jasóspirimder synǵa tústi. Kileń myqtylar bas qosqan dodada sportshylardyń joǵary deńgeıdegi daıyndyqpen kelgeni baıqaldy. Qańtardyń 26-syna deıin jalǵasatyn jarysta qatysýshylar jeńisti qoldan bermeýge tyrysyp baǵýda. Kórshi elden kelgen bylǵary qolǵap sheberleri da júldege mol úmit artyp, jarysqa belsene aralasty.
«Men Ózbekstan memleketinen keldim. Bul saıysqa qatysshýy úshin bir jyl daıyndyǵymdy sarp ettim. Birinshi kezeńde shymkenttik boksshymen judyryqtastym. Oıyn bastalǵan alǵashqy mınýtta-aq qarsylasymdy nokaýtqa túsiridm. Endi osy týrnırde jeńiske jetemin dep úmittenem», - deıdi ózbekstandyq sportshy Abdýlázız Ábdýhamıtov.
