Shymkentte bıyldan bastap balabaqsha salynbaıdy

Bul týraly shahar basshysy Ǵabıdolla Ábdirahymov Kásipkerler palatasynyń aımaqtyq keńesiniń keńeıtilgen otyrysynda málimdedi, dep habarlaıdy QazAqparat HAA tilshisi. 

«Bıyldan bastap balabaqsha salmaımyz degen sheshimge keldik. Budan bylaı ár balaǵa qajetti qarjyny bólip, jekemenshik balabaqshalarǵa tóleımiz. Bul eki jaqqa da tıimdi. Birinshiden, kásipkerlerdiń jumysy júredi. Ekinshiden, memleket te qarajatyn únemdeıdi. Qurylysqa, jobalaý qujattaryna artyq qarjy jumsalmaıdy. Óıtkeni balabaqshany kásipkerdiń salǵany jeńildeý. Eń bastysy, balabaqshaǵa baratyn balalardyń sany artady»,-dedi qala ákimi.

Óz kezeginde kásipkerler Shymkenttik bóbekjaılarǵa memleketten tólenetin qarajattyń tym azdyǵyn tilge tıek etti. Máselen, Aımaqtyq isker áıelder keńesiniń tóraıymy Alma Arhabaevanyń sózinshe, jekemenshik balabaqshadaǵy ár balaǵa aı saıyn bólinetin 8 myń teńge tamaq pen qajettilikten artylmaıdy. Al «kez kelgen  kásipker tabys tapqysy keledi», deıdi ol.

Bul máselege qatysty jaýap qatqan «Atameken» Ulttyq kásipkerler palatasynyń Basqarma tóraǵasy Abylaı Myrzahmetov qazir barlyq óńirlerde osy syndy máselelerge qatysty usynystar talqylanyp, ony ońtaıly sheshý jaǵy qarastyrylyp jatqanyn atap ótti. ıAǵnı, elimizdegi barlyq oblystardan balabaqshalar úshin qansha qarajat bólinetini, onyń ınflıatsııalyq deńgeıi týraly aqparattar jınaqtalýda. Aldaǵy kúnderi ortaq joba jasalyp, usynystar  Ulttyq ekonomıka mınıstrligine joldanatyn bolady.