Shymkentte bıyl 35 myńnan astam adam koronavırýstan jazylyp shyqty

ShYMKENT. QazAqparat- Jyl basynan beri 36 548 adam koronavırýs juqtyrǵan bolsa, búginde 35 399 naýqas emdelip shyqty, dep habarlaıdy QazAqparat tilshisi.

Búginge 92 naýqas emdelip jatyr. Onyń ishinde 78 naýqas statsıonarda, 14 naýqas úı jaǵdaıynda ambýlatorlyq em qabyldaýda. Ótken táýlikte COVID-19 ınfektsııasyn juqtyrýdyń 5 jaǵdaıy tirkeldi.

Epıdemıologııalyq jaǵdaıdyń turaqtalýyna baılanysty qalada 25 tamyzdan bastap 3677 tósek-oryn jabyldy. Qazirgi tańda tósek-oryn tolymdylyǵy 20 paıyzdy quraıdy, 305 tósek oryn bos. Al, jańsaqtaý bóliminde 125 tósek oryn bar, onda 9 azamat em qabyldap jatyr. Tolymdylyq –7 paıyz.
Sondaı-aq 36 emhana janynan jasaqtalǵan 211 mobıldi brıgada úı jaǵdaıynda em qabyldap jatqan 14 naýqas pen qarym-qatynasta bolǵan 228 adamǵa medıtsınalyq qyzmet kórsetýde.