Shymkentte birneshe kólik urlaǵan kúdikti ustaldy
ASTANA. QazAqparat - Polıtseıler Shymkentte kólik urlaǵan kúdiktini ustady, dep habarlaıdy «QazAqparat» HAA oblystyq ІІD baspasóz qyzmetine silteme jasap.
Shymkent turǵynynyń «Opel Vektra» markaly avtokóligin aıdap áketken. Polıtseıler 25 jastaǵy jigitti ustady. Tergeý barysynda anyqtalǵandaı, kúdikti urlanǵan kólikpen jol-kólik apatyn jasap, baǵanaǵa soǵylǵan. Keıin oqıǵa ornynan izin sýytqan. Kúdikti ustaldy. Ol budan buryn eki ret sottalǵan.
«Qazirgi ýaqytta polıtseıler ustalýshynyń avtokólik urlaý boıynsha 8 faktige qatysy baryn anyqtady. Atalmysh fakti boıynsha sotqa deıingi tergeý jumystary júrgizilip jatyr», - delingen ІІD habarlamasynda.
