Shymkentte birinshi synypqa qabyldanatyn oqýshylar mektepke elektrondy túrde tirkeledi
ShYMKENT. QazAqparat - Jyl saıyn oqý jylyn jańa bastamamen qarsy alatyn mektep ujymyn bıyl da ózgerister kútip tur. Shymkentte 1-shi synypqa baratyn oqýshylar endi mektepke elektrondy túrde tirkeletin boldy. Mundaı bastama elimizde alǵash ret engizilip otyr, dep habarlaıdy QazAqparat HAA tilshisi.
Bul jańalyqty engizýge qalalyq bilim bólimi 8 aı daıyndalypty. ıAǵnı, osy ýaqyt aralyǵynda mamandar arnaıy kompıýterlik baǵdarlama ázirlep, ata-analar nazaryna usynǵan. Jańa baǵdarlamaǵa sáıkes, endi kez-kelgen ata-ana birinshi synypqa baratyn balasynyń qujatyn kóterip, tabanynan tozbaıtyn bolady. Ol úshin arnaıy portal jumys isteıdi. Sol arqyly ata-ana perzentiniń bolashaq mektebiniń meken-jaıyn, bilim sapasyn, synybyn tipti, ustazǵa deıin tańdaı alady. Internet jelisi arqyly jumys isteıtin baǵdarlama úıdegi kompıýter men planshetterge jáne qarapaıym uıaly telefonǵa op-ońaı kóshiriledi. Endi jańa bastamany ata-analarǵa úıretý úshin bilim uıalarynda ashyq esik kúnderin ótkizý josparlanyp otyr.
«Bul ata analar úshin óte yńǵaıly. Sebebi, ata analar kompıýter arqyly úıinde, uıaly telefon arqyly, nemese aıpad, kompıýter arqyly kez-kelgen orynnan balalarynyń qujattaryn tapsyryp, ózderi mektepterine balalaryn birinshi synypqa qabyldatý múmkindigi týyndatyp otyr», - deıdi Shymkent qalalyq bilim bóliminiń basshysy Janat Tájıeva.
Aıta keteıik, búginde shym shaharda 129 mektep bar bolsa, onyń 125-de 21 myń bala alǵashqy mektep tabaldyryǵyn attaıdy dep kútilýde. Balalardyń elektrondy qujatyn qabyldaý ýaqyty 1 maýsymnan 30-shy tamyzǵa deıin júrgizilmek.
