Shymkentte bireýler kóshede ketip bara jatqan kelinshekti ólimshi etip sabap, zorlap ketken
Atalǵan jantúrshigerlik oqıǵa jaıynda NeMolchıKZ qoǵamdyq qorynyń ókilderi áleýmettik jelide jarııa etti. Feısbýk áleýmettik paraqshasynda jarııalanǵan aqparatta qylmystyq oqıǵa 26 mamyr kúni oryn alǵanyn habarlaǵan. Jábirlenýshi keshkisin óz úıine bara jatqan kezde oǵan bir top adam shabýyl jasaǵan. Olar ustalǵan áıeldi uryp-soǵyp, tsellofan paketpen tunshyqtyrýǵan tyrysqan. Tisin túk qaldyrmaı syndyryp, jaǵynyń úsh jerine jaryqshaq túsken. Mıy shaıqalyp, esinen tanyp qalǵan. Qylmyskerler ony óldi dep oılap, denesin butaqtarmen jaýyp ketken. Alaıda saý tamtyǵy qalmaǵan áıel esin jınap, áreń degende úıine jetken.
«Onyń túrin tanyp bolmaıdy. Bul jaǵdaıdy kórgen kúıeýi men balalary jaǵalaryn ustap otyr. Jábirlenýshiniń joldasy eger áıeli qaıtys bolǵan bolsa, ony tek qana denesindegi qaly men kıimderi arqyly tanýǵa bolatynyn aıtqan. Zardap shegýshiniń ózi de aýyr shok alǵan. Alǵashqy kúnderi ol qoryqqannan qylmys faktilerin joqqa shyǵaryp, tis jaryp eshteńe aıtpady. Jáne áli kúnge deıin jaýap bermedi» delingen qor ókilderiniń paraqshasynda.
Al, qorǵa vatsap jelisimen jiberilgen sýretterge qarap bolmaıdy. Onda kelinshektiń beti men denesinde kógergen izder kóp. Ondaǵy jazbalarda jábirlenýshini qatty urǵany sonshalyq, qabyrǵalary synyp ketkenin kórsetken. Sondaı–aq, tisteri túgel synyp, jaq súıekteri salbyrap qalǵany aıtylǵan. Jábirlenýshi tek aýyrǵandy basatyn ekpemen ǵana kúneltip kele jatqany jazylǵan.
Polıtsııa departamentiniń baspasóz qyzmeti b ul jaǵdaı boıynsha qylmystyq is qozǵalyp, tergeý amaldary júrgizilip jatqanyn habarlady. Ázirge kúdiktiler ustalmaǵan. Resmı aqparat qalalyq prokýratýranyń kelisimin alýǵa joldanǵan. Degenmen bul isti Polıtsııa departamentiniń bastyǵy óz baqylaýyna alǵan.