Shymkentte birden 10 jup otbasyn qurdy
ShYMKENT. QazAqparat - Shymkentte qala kúni merekesinde birden 10 jup úılendi. «Qalyńdyqtar sherýine» kelgen jas jubaılardyń nekesi qıylyp, bir-birine adal bolýǵa ant berdi, dep habarlaıdy QazAqparat HAA tilshisi.
Otbasy alleıasynda jınalǵan juptar saltanatty neke kýálikterin alyp, júzikterin taqty. Olarǵa shahar basshylyǵy gúl shoqtary men syılyqtar tabys etti. Shymkent qalasy ákimi apparatynyń basshysy Rashıd Aıýpov ákimniń arnaıy quttyqtaýyn jetkizip, jas jubaılarǵa baqytty ǵumyr tiledi. 
Bul kúni nekesin qıǵandardyń biri Nursultan men Gúlbaný mahabbattarynyń osydan úsh jyl buryn bastalǵanyn aıtady. Kolledjde oqyp júrgen jas jigit qyzylordalyq boıjetkendi bir kórgennen unatyp qalypty. Tanystyqtyń sońy sezimge ulasyp, otbasyn qurdy. Al olardyń nekesin zańdastyrý dál qala kúnine dóp túsken. Osylaısha el aldynda jas jubaılar zańdy qujatqa qol qoıdy. Jas kelin neke qııý rásimine qazaqy kıinip, aq oramalyn taǵyp kelipti.
Aıta keteıik, ońtústik shaharda zańdy túrde otbasyn qurǵandar sany kún sanap artyp keledi. Bıylǵy jyldyń ózinde 4356 adam tútinin tútetip, januıaly bolǵan. 
