09:27, 16 Tamyz 2022 | GMT +5
Shymkentte bir jasar sábı elektr toǵynan qaıtys boldy
ShYMKENT. QazAqparat - Shymkentte bir jasar sábı elektr togynan qaıtys boldy. Ol abaısyzda ashyq turǵan elektrsymdy qolymen ustap qalǵan, dep habarlaıdy QazAqparat tilshisi.
Qalalyq TJD baspasóz qyzmetiniń málimetinshe, qaıǵyly jaǵdaı keshe keshke «Nurtas» shaǵyn aýdanyndaǵy turǵyn úılerdiń birinde oryn alǵan. Ata-anasynyń aıtýynsha, úıde Asel peshi uzartqysh arqyly qýat kózine qosýly turǵan. Qasynda oınap júrgen sábı onyń aqaýy bar elektr symyn ustap alǵan.
«Bala oqıǵa ornynda qaıtys bolǵan. Oqıǵanyń naqty mán-jaıyn polıtsııa qyzmetkerleri anyqtap jatyr.
Qalada tamyz aıynda elektr toǵynan soqqy alyp, 2 jazataıym oqıǵa oryn aldy. Onyń birinde 2013 jylǵy qyz bala zardap shekse, ekinshi jaǵdaıda 2021 jylǵy búldirshin qaıtys boldy», - delingen habarlamada.