Shymkentte bir jasar búldirshin sirke sýyn iship qoıǵan

ShYMKENT. QazAqparat - Shymkentte bir jasar sábı sirke sýyn iship qoıǵan. Anasy qyzynyń ýly suıyqtyqty Tólebı aýdanyna qonaqqa barǵan kezde jutyp qoıǵanyn aıtady, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, osy jaǵdaıdan keıin sábı aýyr halde jergilikti jedel járdem aýrýhanasyna jetkizilgen.

«Mamandar sábıdiń ishki aǵzalarynyń zaqymdanǵanyn anyqtap, ony shuǵyl túrde Shymkenttiń Gıperbarııalyq ottekteý ortalyǵyna aýystyrý týraly sheshim qabyldaǵan. Sirke sýyn iship qoıǵan búldirshinniń aýyz qýysyn jáne óńeshin hımııalyq kúıik shalǵan. Naýqasqa shuǵyl túrde emdik sharalar jasaldy» delingen habarlamada.

Gıperbarııalyq ottekteý ortalyǵynyń bas dárigeri Madına Ermaǵanbetovanyń aıtýynsha, qazir sábıdiń jaǵdaıy birqalypty. Anasymen birge toksıkologııa bóliminde em qabyldap jatyr. Ortalyqta taǵy bir aptadan asa em qabyldaıtyn bolady.