Shymkentte bir úıdiń eki balasyn kólik qaǵyp ketti

ShYMKENT. QazAqparat - Shymkentte «Hundai Accent» markaly avtokólik júrgizýshisi mektepke bara jatqan ápkeli-sińlili eki jasóspirimdi qaǵyp ketti. Jasóspirimniń biri dene jaraqatymen Shymkent qalalyq balalar aýrýhanasyna jetkizilse, ekinshisi medıtsınalyq kómek kórsetilgennen keıin úıine qaıtaryldy, dep habarlaıdy QazAqparat tilshisi.

Oqıǵa búgin ál-Farabı men Q. Syzdyqov kóshesiniń qıylysynda bolǵan. «Hundai Accent» júrgizýshisi «Nexia» kóligine soǵyspaý úshin ońǵa shuǵyl burylyp, apatty jaǵdaı jasaǵan. Osylaısha, ol baǵdarshamdy jáne joldyń jıeginen jaıaý júrginshiler jolaǵyna shyqpaqshy bolǵan eki jasóspirimdi, munan soń elektr baǵanyn soqqan.

«Atalǵan jaıt boıynsha jol-kólik oqıǵasyn jasaǵan azamatqa ÁQBtK-niń 610-baby 2-bóligimen (Kólik quraldary júrgizýshileriniń jábirlenýshiniń densaýlyǵyna jeńil zııan keltirýge ákep soqqan jol júrisi qaǵıdalaryn buzýy) ákimshilik hattama toltyryldy. Eki avtokólik te aıypturaqqa qoıyldy», - delingen Shymkent qalasy polıtsııa departamenti taratqan habarlamada.