Shymkentte bir táýlikte 50 adamnan koronavırýs tabylǵan

ShYMKENT. QazAqparat – Shymkentte 50 turǵynnan COVID-19 dıagnozy naqtylandy. Onyń ishinde 24 naýqas vırýsty juqtyrǵandarmen jaqyn qarym-qatynasta bolǵan, dep habarlaıdy QazAqparat tilshisi.

Qalalyq tótenshe jaǵdaı shtabynyń málimetinshe, indet juqtyrǵandardyń 5-i JRVI belgilerimen aýrýhanaǵa jatqyzylǵan. Al, qalǵan 21-inen vırýs skrınıng nátıjesinde anyqtalǵan. Búginde COVID-19 dıagnozy rastalǵan turǵyndardyń barlyǵy ınfektsııalyq statsıonarda em alýda.

«Qazirgi tańda naýqastardyń jaǵdaıy birqalypty. Bekitilgen hattamaǵa sáıkes tıisti em júrgizilýde. Aýrý oshaqtarynda dezınfektsııalyq jumystar jasaldy» delingen habarlamada.

Aıta keteıik, sońǵy táýliktegi málimet boıynsha qalada COVID-19 ınfektsııasyn juqtyrǵandar sany 485 adamǵa jetti.