Shymkentte bir táýlikte 45 adam koronavırýs juqtyrdy

ShYMKENT. QazAqparat – Shymkentte bir táýlikte 45 adam koronavırýs juqtyrdy. 25 adam ınfektsııalyq statsıonarǵa jatqyzylsa, 20 adam óz úılerinde baqylaýǵa alynǵan, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, ınfektsııalyq statsıonarlarda barlyǵy 560 oryn bar. Onyń úsh júzden astamynda naýqastar em qabyldaýda. Shaharda sondaı-aq 305 046 PTR zerthanalyq zertteý júrgizilgen. Onyń 1963-i bir kúnde alynǵan.

«Qala aýmaǵynda sanıtarlyq-epıdemıologııalyq talaptardyń saqtalýyna monıtorıng júrgizetin 22 mobıldik top jumys atqarýda. Olar ótken táýlikte 240 nysanǵa tekserý júrgizip, 17 nysanda karantın rejıminiń talaptary buzylǵandyǵyn anyqtaǵan. Barlyǵyna qatysty ákimshilik hattamalar toltyrylǵan. Sondyqtan medıtsına mamandary halyqty karantın talaptaryn qatań saqtaýǵa shaqyrady», - delingen habarlamada.