Shymkentte bir táýlikte 250 júrgizýshi jol erejesin buzǵan
ShYMKENT. QazAqparat - Shymkenttik jol patrýl polıtsııasynyń qyzmetkerleri bir kúnniń ishinde qoǵamdyq kólikti tizgindep jol erejesin óreskel buzǵan 250 júrgizýshige hattama toltyrdy, dep habarlaıdy «Habar 24».
Bul jaǵdaı shaharda ótip jatqan «Avtobýs» jedel-aldyn alý sharasy aıasynda anyqtaldy. Jol patrýl polıtsııa qyzmetkerleri toqtatqan qalaaralyq nemese aýdan ortalyqtaryna qatynaıtyn jolaýshylar tasymalyna jaýapty qoǵamdyq kóliktiń kóbi talapqa saı bolmaı shyqty. Máselen, avtobýstardyń keıbiri jolaýshy otyratyn oryndarǵa zat artyp alǵan. Al ózge júrgizýshiler avtobýs ishin ruqsatsyz jatyn jaıǵa aınaldyrǵan. Osy sııaqty jol erejesin saqtamaǵan kólik ıelerine aıyppul salyndy. Qalada ótip jatqan jedel-profılaktıkalyq shara apta sońynda qortyndylanady.
«Jol-patrýl polıtsııa polkiniń qyzmetkerleri bir kúnde 250 zańbuzýshylyqty anyqtap, tártiptik shara qoldandy. Júrgizýshilerge ákimshilik hattama toltyryldy. Qoǵamdyq kólikterdegi basty másele - jolaýshylar tasymaldaýǵa oryndyqtar sáıkes kelmeıdi. Ruqsatsyz jataq oryn jasap qoıǵan. Sol boıynsha 590-baptyń 7-tarmaǵy boıynsha ákimshilik quqyqtyq hattama toltyrylyp, júrgizýshilerge eskertilip jatyr», - deıdi qalalyq PD jol-patrýl polıtsııa polkiniń komandıri Muhtar Buharbaev.
