Shymkentte bir otbasynyń bes balasy ýlanyp qaldy
Qalalyq densaýlyq saqtaý basqarmasynyń málimetinshe, qaıǵyly jaǵdaı búgin tańda bolǵan. Kópqabatty úıdiń besinshi qabatynda turatyn otbasynyń balalary jappaı qusa bastaǵan. Artynsha jedel járdem qyzmetin shaqyrtyp, olarǵa alǵashqy medıtsınalyq kómek kórsetip ketken. Alaıda bul emdik sharalar balalarǵa áser etpeı, olardyń jaǵdaıy odan saıyn qıyndaı túsken. Segiz aılyq sábı tańǵy saǵat 6.02-de qalalyq juqpaly aýrýlar aýrýhanasyna aýyr halde, klınıkalyq ólim jaǵdaıynda jetkizilgen. Ókinishke qaraı, dárigerlerge náresteni aman alyp qalý múmkin bolmady. Ol aýrýhanaǵa jetkizilgen boıda jantásilim etken. Onyń ózge tórt baýyryn týystary ózderi qalalyq gıperbarııalyq toksıkologııa ortalyǵyna jetkizgen. Ortalyqtyń bas dárigeri Madına Ermaǵanbetovanyń aıtýynsha, ekeýi aýyr halde túsken.
«13 aqpan kúni tańǵy saǵat 7:45 týystary 2000, 2002, 2014, 2017 jyly týǵan balalardy alyp keldi. Jastary kishi eki balanyń jaǵdaılarynyń aýyrlyǵyna baılanysty jansaqtaý bólimine jatqyzylyp, olarǵa belgisiz zattardyń toksıkalyq esebiniń aýyr dárejesi jáne ekzotoksıkalyq shoktyń 2-3-shi dárejesi jáne taǵamdyq toksıkoınfektsııa dıagnozy qoıylǵan. Qazir barlyq reanımatsııalyq kómek kórsetilip jatyr. Barlyq medıtsınalyq tekserýler taǵaıyndalyp, zerthanalyq synamalar alyndy. Al, 2000 jáne 2002 jyly týǵan naýqastardan zerthanalyq synamalar alynyp, alǵashqy medıtsınalyq kómek kórsetildi. Olar úılerine qaıtarylyp, turǵylyqty mekenjaıy boıynsha emhananyń baqylaýyna alynatyn bolady», - deıdi Madına Ermaǵanbetova.
Oqıǵa ornyna jetken qalalyq TJD men «QazTransGazAımaq» kompanııasynyń mamandary gaz qondyrǵysynyń ıisinen ýlanbaǵan, gaz jylytqyshta aqaý bolmaǵan degen qortyndy shyǵarǵan. Tótenshe jaǵdaılar qyzmetkerlerine kórshiler jaqyn arada sol otbasynda turatyn páterdiń astyndaǵy tórtinshi qabattyń adamdary tarakandy ýlaımyz dep dárilegenin aıtqan. Olar dárini tipti shatyrǵa da shashqan eken. Sonyń saldarynan bolýy múmkin dep joramaldaǵan. Degenmen naqty qortyndyny, ıaǵnı bes balanyń neden ýlanǵanyn jaýapty mamandar anyqtaıtyn bolady.