Shymkentte bıikten qulaǵan qurylys materıaly 22 jastaǵy jigitti basyp qaldy

ShYMKENT. QazAqparat - Shymkentte bıikten qulaǵan qurylys materıaly 22 jastaǵy jigitti basyp qaldy, dep habarlaıdy QazAqparat tilshisi.

Oqıǵanyń vıdeosy áleýmettik jelide tarap ketti.

Jergilikti telearnada aıtylǵan málimetke súıensek, oqıǵa 16 qazan kúni keshki saǵat 5-6 shamasynda bolǵan.

Beınedegi kadrlardan qurylys aýmaǵynda úsh jumysshynyń tómende turǵanyn kórýge bolady.

Al, tóbeden qulaǵan aǵash biriniń ústine túsip, basyp qalǵan.

Saldarynan «Turan 2» shaǵynaýdanyndaǵy qurylys alańynda jumys istep júrgen 22 jastaǵy jigit kóz jumdy.

Qalalyq polıtsııa departamenti qaıǵyly oqıǵanyń bolǵanyn rastady, biraq egjeı-tegjeıli málimetti keıinirek beretin boldy.