Shymkentte beıbit sherýler ótkizý týraly zań jobasy talqylandy

ShYMKENT. QazAqparat – Shymkentte beıbit sherýler týraly zań jobasy talqylandy. Jıynǵa qatysqan qoǵamdyq uıymdardyń músheleri men partııa ókilderi, belsendi azamattar men BAQ ókilderi óz oı-pikirlerin ortaǵa saldy, dep habarlaıdy QazAqparat tilshisi.

Basqosýda Aqparat jáne qoǵamdyq damý mınıstrligi Azamattyń qoǵam isteri komıtetiniń tóraǵasy Álııa Ǵalymova qatysyp, zań jobasy týraly aıtty.

Onyń sózinshe, beıbit jınalystardyń barlyq túri, sonyń ishinde mıtıngiler, sherýler, demonstratsııalar, pıketter ótkizý týraly osy zań jobasynda anyq jáne uǵynyqty jazylǵan.

«Beıbit jınyndar ótkizý ótinimderiniń reglamentteý jáne habarlandyrý tártibi engiziledi. Eger qandaı da bir uıymdy nemese qoǵamdy tolǵandyratyn másele boıynsha beıbit jınalysty uıymdastyrýshy jergilikti atqarýshy organǵa ótinim bergen jaǵdaıda, onda ótkizý ornyn, maqsatyn jáne kúnin aıqyndaıdy, qatysýshylardyń sanyn naqty belgileıdi. Sondaı-aq, jınalys ótkizý úshin qajetti sharttardy anyqtaıdy, – dedi Álııa Ǵalymova.

Jıynda 21 baptan turatyn qujatta beıbit jıynǵa qatysýshy barlyq taraptyń quqyqtary naqtylanǵany aıtyldy.

Qazir qalada mıtıng ótkizetin 2 oryn belgilengen. Zań jobasy boıynsha, beıbit sherýler 250 adamǵa ruqsat etilgen. Bul qaýipsizdik sharalaryna baılanysty qabyldanǵan sheshim. Aldaǵy naýryz aıynda Parlament depýttarynyń qaraýyna jiberiletin zań jobasy týraly jergilikti qoǵamdyq uıym ókilderi de óz usynys-pikirlerin ortaǵa saldy.