Shymkentte besinshi aýdan qurylady

ShYMKENT. QazAqparat - Shymkent qalalyq máslıhatynyń kezekten tys on segizinshi sessııasynda depýtattar «Shymkentte besinshi aýdan qurý týraly» usynysty bir aýyzdan qoldap daýys berdi, dep habarlaıdy qazAqparat tilshisi.

Halqynyń sany mıllıonnan asqan megapolıs osylaısha 5 aımaqqa bólinip otyr. Jańadan qurylatyn aýdannyń aýmaǵy 36 myń gektardy qurasa, ondaǵy turǵyndar sany shamamen 200 myńnan asady. Al, ázirge jańa aýdanǵan qandaı ataý beriletini belgisiz. Bul másele qoldanystaǵy zańdylyqtarǵa sáıkes aldaǵy sessııada Respýblıkalyq onomastıka komıssııasynyń qaraýyna usynylatyn bolady.

Búgingi kúnge deıin Shymkent qalasynyń aýmaǵynda Qarataý, Eńbekshi, Ál-Farabı, Abaı aýdandary ákimdikteri bolǵan.

«Besinshi aýdandy qurý qalany basqarýdy jetildirip, memlekettik qyzmet kórsetýdiń sapasyn arttyrýǵa septigin tıgizedi» - deıdi ákimdiktegiler.

Aıta keteıik, Shymkent qalasynyń bas josparyna L RT jáne BRT qurylysy engizilip otyr. Bul týraly Ortalyq kommýnıkatsııalar qyzmetinde ótken brıfıngte Shymkent qalasynyń ákimi Murat Áıtenov aıtty.