Shymkentte bes jasar balaǵa kúrdeli ota jasalyp, úzilgen tamyry jalǵandy
Aýyr jaǵdaıda jedel járdem qyzmetimen qalalyq klınıkalyq balalar aýrýhanasyna jetkizilgen bala jansaqtaý bólimine jatqyzylǵan. Tekserý barysynda dárigerler onyń oń tize asty arterııasy men tamyrynyń tolyqtaı kesilgenin anyqtady. Balaǵa jedel túrde ota jasaldy.
«Otadan keıin aıaqtyń tómengi bóligine qan baryp, jylyp, tobyq aımaǵynda pýls paıda boldy. Balanyń qazirgi jaǵdaıy qanaǵattanarlyq, úıge shyǵýǵa daıyndalyp jatyr. Tamyrdyń jaraqatyna der kezinde joǵarǵy medıtsınalyq kómek kórsetpegen jaǵdaıda, dıstaldy bóligi ampýtatsııalanýy múmkin edi», - dedi bólim meńgerýshisi Oljas Shyntasov.
Hırýrgter naýqas balanyń tamyrynyń dıametri kishkentaı bolýyna baılanysty mıkroskopııalyq LEICA ONX apparatyn paıdalanǵan. Nátıjesinde, mamandar úzilgen tize asty arterııasyn ushpa-ush jalǵap, tigip berdi.
