Shymkentte benzın tasymaldaıtyn kólik aýdarylyp qaldy

ShYMKENT. QazAqparat – Shymkentte benzın tasymaldaıtyn arnaıy kólik aýdaryldy. Aldyn ala boljam boıynsha, júrgizýshi róldi basqara almaı, kólik joldyń bir betine aýyp ketken, dep habarlaıdy QazAqparat tilshisi.

Qalalyq TJ departamentiniń málimetinshe, jol-kólik oqıǵasy Bozaryq turǵyn alabyndaǵy aınalma jolda oryn alǵan. Jalpy syıymdylyǵy 23 tonna bolatyn benzovoz kóligi «Gelıos» JShS-ne tıesili ekeni anyqtaldy.

Jol boıyna aýdarylǵan kólikten AI-95 markaly benzın tógilgen. Degenmen, oqıǵa ornynda jarylys ta, órt te bolmaǵan. Sondaı-aq, eshkim zardap shekken joq. Oqıǵa ornyna órt sóndirý jáne avarııalyq-qutqarý qyzmetiniń 26 qyzmetkeri men 4 tehnıkasy, «Apattar medıtsınasy ortalyǵy» fılıalynan bir tehnıka jáne 3 qyzmetker, Shymkent qalalyq polıtsııa departamentiniń mamandary jumyldyryldy.

«Qaýipsizdikti saqtaý maqsatynda órt sóndirýshiler tógilgen munaı ónimderine «Pýrga-5» markaly kóbik shashqan. Qazirgi ýaqytta tógilgen janar-jaǵar maıdyń kólemi anyqtalýda» delingen habarlamada.