Shymkentte Baýyrjan Momyshulynyń eskertkishi jańǵyrtyldy
ShYMKENT. QazAqparat - Shymkentte Baýyrjan Momyshulynyń eskertkishi qaıta jóndeýden ótkizilip, aınalasy jańǵyrtyldy, dep habarlaıdy «QazAqparat» HAA tilshisi. Eskertkish óziniń esimimen atalatyn dańǵyl men Táýke han dańǵyly qıylysynda ornalasqan.
Aldymen ataqty qolbasshy Baýyrjan atanyń eskertkishiniń negizgi tireýi jańartylǵan. Eskirgen granıt tastary almastyryldy. Eskertkishtiń artqy tusyndaǵy sýburqaqtaǵy mramorlyq tastary da jańartylyp jatyr. Endi «Mramorgranıt tas» merdiger kompanııasy árleý jumystaryn júrgizýde.
Eskertkishtiń ózi arnaıy qospamen súrtilip-óńdelip, óńi jańa kúıdegideı jyltyrap qalǵan. Úsh apta ýaqyt ishinde merdiger mekeme qalalyq «Turǵyn-úı, kommýnaldyq sharýashylyq» bólimi tapsyrysyn úlgerip oryndap shyqpaq nıette. Jóndeý jumystary birer kúnde tolyq aıaqtalady dep otyr. Sapasyna merdiger mekeme jaýapty.
Úsh jyldyq kepil merzimde jumystaǵy kemshilikter anyqtalar bolsa, ony retke keltirýdi jumys atqarýshy mekeme mindetine alady.
Erlan Júnisbaıuly
