Shymkentte basshysyn para aldy dep aıyptaǵan júrgizýshi sotta jaýap berýde
ShYMKENT. QazAqparat - Shymkentte jedel járdem stansasy basshysyn para alady dep aıyptaǵan burynǵy júrgizýshi sot aldynda jaýap berýde. Qazir aıyptalýshy Álisher Tursynqulovtyń qylmystyq isi Eńbekshi aýdandyq sotynda qaralyp jatyr. Bul týraly búgin oblystyq sotynda málim boldy, dep habarlaıdy QazAqparat tilshisi.
Oblystyq sottyń qylmystyq ister jónindegi sot alqasynyń sýdıasy Búrkit Baıdýllaevtyń sózinshe, Álisher Tursynqulov Qylmystyq kodekstiń 190-babynyń 3-bóligi «Alaıaqtyq», 28-babynyń 4-bóligi «Qylmystyq quqyq buzýshylyqqa sybaılas qatysýshylardyń túrleri», 367-babynyń 3-bóligi 3-tarmaǵy «Para berý» boıynsha aıyp taǵylǵan.
«Aıyptalýshy Shymkent qalalyq jedel járdem stansasy mekemesinde júrgizýshi qyzmetin atqara júrip, birneshe jábirlenýshini kóndirý jolymen jumysqa ornalastyrýǵa jáne olardyń qujattaryn rásimdeýge qatysy bolmasa da olardyń senimine kirgen. «Sóıtip jumysqa ornalastyryp beremin» dep aldap birneshe ret alaıaqtyq áreketter jasaǵan. Sonymen birge osy zańsyz ıemdengen aqshany memlekettik fýnktsııalardy oryndaýǵa teńestirilgen adamǵa para berýge birneshe ret azǵyrý arqyly kóndirip, aıdap salǵan», - dedi sýdıa Búrkit Jumabaıuly.
Esterińizge sala keteıik, Shymkent qalalyq jedel járdem stansasynyń burynǵy júrgizýshisi Álisher Tursynqulov osy jyldyń 9 sáýirinde óziniń basshysyna qatysty aqparatty áleýmettik jelige salǵan bolatyn. Er adam vıdeoúndeýinde basshysymen birlesip, jańadan ashylatyn jedel járdem stansasyna jumysqa turǵysy keletinderden aqsha jıǵanyn aıtqan. «Ol adamdardy jumysqa qabyldaımyn dep aqsha aldy. Feldsherden 550 myń teńge, júrgizýshiden 550 myń teńge, sanıtardan 250 myń teńge alǵanbyz. Jalpy sany adamdardyń elýge jaqyndap qalady. Qazir sol aqshalaryn men alyp, sol aqshanyń 90 paıyzy Gúlnár Mamytovnaǵa berilgen men arqyly» degen bolatyn.
Bul isti bastyǵynyń aıtýymen jasaǵan ol keıinnen jospar júzege aspaı, qarjyny keri qaıtarý kerek bolǵanyn jetkizgen. ıAǵnı, basshylyq qysym jasap, moınyma mıllıondardy ilip jatyr degen ol tıisti oryndardan kómek suraǵan edi. Alaıda bul máselege oraı stansanyń bas dárigeri Gúlnar Qurmanbekova burynǵy júrgizýshisiniń aıtqandaryn jala dep málim etti. Artynsha polıtsııaǵa stansa júrgizýshisiniń ústinen úsh jábirlenýshi aryzdanyp, alaıaqtyqpen aqshalaryn alyp ketkenin kórsetken.
