Shymkentte basseınge sý toltyryp jatqan er adam men 9 jasar qyzdy toq soǵyp, mert boldy
ShYMKENT. QazAqparat - Shymkentte elektr toǵyn durys paıdalanbaýdyń sońy qaıǵyly jaǵdaıǵa ákep soqty. Turǵyn úılerdiń birinde basseınge sý toltyrý kezinde er adam men 9 jasar qyz toq soǵyp kóz jumdy, dep habarlaıdy QazAqparat.
Qaıǵyly jaǵdaı 26 shilde kúni Saıram turǵyn úı alabyna qarasty Bazarqaqpa eldi mekeninde oryn alǵan.
«ıÝsýpov kóshesindegi jeke turǵyn úıdiń aýmaǵynda elektr sorǵyny paıdalaný kezinde 1963 jylǵy er azamat jáne 2009 jyly týylǵan qyz bala toqqa túsip, oqıǵa ornynda qaza tapqany týraly habarlama kelip túsken. Qaıǵyly oqıǵa elektr sorǵymen basseıindi sýmen toltyrǵan kezde bolǵan. Elektr toǵyn abaısyz paıdalaný Shymkent qalasy aýmaǵynda ekinshi ret aýyr qazaǵa soqtyryp otyr», delingen habarlamada.
Tótenshe jaǵdaılar qyzmetkerleri turǵyndarǵa taǵy da eskertý jasady.
«Elektr toǵynyń ıisi joq, túsi bolmaıdy, dybys shyǵarmaıdy jáne sezilmeıdi. Ol týraly jaı ǵana bilý nemese asa abaı bolý kerek. Elektr toǵy urǵan kezde zardap shekkenniń ózine kómek kórsetý qabilettiligi joqtyǵynan qaýip ulǵaıady. Deni saý, myqty adamdar naýqas jáne álsiz adamdarǵa qaraǵanda jaqsy tótep bere alady, bul rette zaqymdaný deńgeıi kóbinese adamnyń hal-jaǵdaıymen anyqtalady. Ter, sezgishtik nemese sharshaý aǵzanyń tózimdiligin tómendetedi.
Toq urǵan adamdy baıqaǵan kezinde ony tez arada toq kózinen oqshaýlaý qajet, alaıda buny ashyq qolmen jasaýǵa bolmaıdy, elektr toǵyn ótkizbeıtin qandaı - da bir zatty, mysaly, arqan, tyǵyz matany paıdalanýǵa bolady», delingen habarlamada.
