Shymkentte basqarma basshysynyń orynbasary ustaldy

NUR-SULTAN. QazAqparat – Shymkent qalasynyń mádenıet, tilderdi damytý jáne muraǵat basqarmasy basshysynyń orynbasary para aldy degen kúdikke ilindi. Bul týraly QazAqparat Sybaılas jemqorlyqqa qarsy is-qımyl agenttigine silteme jasap habarlaıdy.

«Shymkent qalasynyń sybaılas jemqorlyqqa qarsy qyzmetimen «Shymkent qalasynyń mádenıet, tilderdi damytý jáne muraǵat basqarmasy» MM basshysynyń orynbasaryna qatysty sybaılas jemqorlyq qylmysyn jasady degen kúdik boıynsha sotqa deıingi tergeý júrgizildi.

Ol «Hyundai Wacortec Life» JShS ókilinen úı-jaıdy jalǵa berý boıynsha zańsyz áreketteri úshin aıtarlyqtaı mólsherde para aldy dep kúdiktelýde», - delingen habarlamada.

Sotqa deıingi tergeý aıaqtaldy. Qylmystyq isti sotqa joldaý josparlanýda.

Kúdiktige qatysty túpkilikti sheshimdi sot shyǵarady.