Shymkentte bas shyrshanyń shamyn jaǵý rásimine 100-ge tarta Aıaz ata qatysty

ShYMKENT. QazAqparat - Shymkentte bas shyrshanyń shamyn  jaǵý rásimi ótti. Əl-Farabı alańynda uıymdastyrylǵan saltanatty sharaǵa qala ákimi men turǵyndar, sondaı-aq 100-ge tarta  Aıaz ata men ertegi keıipkerleri qatysty,  dep habarlaıdy QazAqparat tilshisi.

Sharaǵa sondaı-aq  qýyrshaqtar jəne anımatorlar shaqyrylyp, olar alańǵa jınalǵan balalardyń kóńilin kóterdi. «Keıipkerler sherýi» men «Qyzyqtan qalma, qalqataı!», «Qosh keldiń, Jańa jyl!» atty sahnalyq-kontserttik baǵdarlamalar uıymdastyryldy. Saltanatty jıynǵa jınalǵan jurtshylyqqa  qala ónerpazdary kontserttik baǵdarlama uıymdastyryp, shara sońy ot shashýǵa ulasty.

Aıta keteıik, bıyl ornatylǵan bas  shyrshanyń bıiktigi 15 metrdi quraıdy. Salmaǵy 1 tonnaǵa jýyqtasa, ony bezendirýge uzyndyǵy 400 metr bolatyn jaryqshamdar men 240 dana altyn shar paıdalanylǵan. Sonymen qatar, 540 dana oıynshyq pen 3 400 metr jyltyraq jumsalǵan.