Shymkentte bankten 300 myń teńge alǵan kelinshekti tonap ketti
ShYMKENT. QazAqparat - Shymkentte kúdikti bankten 300 myń teńge alǵan kelinshektiń izine túsip, qomaqty aqshasy men uıaly telefonyn tartyp aldy, dep habarlaıdy QazAqparat HAA tilshisi.
Oqıǵa qalanyń ortalyq kósheleriniń birinde bolǵan. Shymkent qalalyq № 2 aýrýhanasyna jeńil jaraqatpen 1974 jyly týǵan kelinshek túsken. Ol polıtsııa qyzmetkerlerine qaladaǵy bankterdiń birinen 300 myń tenge aqsha alǵanyn, alaıda shamaly aýqyt ótkennen keıin belgisiz tulǵanyń kúsh kórsetý arqyly 300 myń teńgesin jáne «Samsýng» markaly uıaly telefonyn tartyp alǵanyn aıtqan. Sóıtip, kúdikti belgisiz baǵytqa qaraı izin sýytqan. Jedel izdestirý sharalaryn júrgizgen tártip saqshylary osy qylmysqa qatysy bar degen kúdiktini qolǵa túsirdi. 28 jastaǵy seziktiden urlanǵan «Samsýng» uıaly telefony tárkilenip alyndy. Qazirgi tańda oǵan qatysty Qylmystyq kodekstiń 191-shi «Tonaý» babymen qylmystyq is qozǵaldy. Kúdikti qamaýǵa alynyp, tergeý sharalary júrgizilýde. Onyń ózge de qylmystarǵa qatysytylyǵy anyqtalýda.
