Shymkentte bank basshysy salymshylardyń aqshasyn alyp, qashyp ketti
ShYMKENT. QazAqparat - Shymkentte alaıaqtyq qylmysyna qatysy bar degen 45 jastaǵy kúdikti izdestirilýde, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, 1973 jyly týǵan Kólbaev Nurjan Baýyrjanulyna izdeý jarııalandy. Tergeý barysynda belgili bolǵany sezikti qaladaǵy bankterdiń biriniń fılıal tóraǵasy laýazymyn atqarǵan. Osy qyzmetin paıdalanyp, salymshylardyń aqshalaryn alaıaqtyq jolmen ıemdenip ketipti. Sóıtip belgisiz baǵytqa boı tasalaǵan. Qazirgi tańda atalǵan jaıt negizinde Qylmystyq kodekstiń 190-baby 4-bólimi «Alaıaqtyq» boıynsha is qozǵalyp, sotqa deıingi tergeý jumystary júrgizilýde.
Polıtseıler Nurjan Kólbaevtyń izdeý boıynsha barlyq jedel-izdestirý is-sharalaryn qolǵa alǵan. Seziktini ustaý úshin oblystyq ishki ister departamentiniń krımınaldyq polıtsııa basqarmasy jáne Shymkent qalalyq ishki ister basqarmasy Ál-Farabı polıtsııa bóliminiń barlyq jeke quramy jumyldyrylýda.
Kúdiktiniń belgileri: boıy 170 sm, orta boıly, shashy qara, kózi qara. Erekshe belgileri joq. Polıtsııa qyzmetkerleri Kólbaev Nurjan Baýrjanuly týraly aqparat bilse 8(7252)97-60-09, 8 777 6123244 nemese «102» telefondaryna habarlasýlaryn suraıdy.
