Shymkentte balmuzdaqtan ýlanǵan 27 naýqas salmonellez juqtyrǵan
ShYMKENT. QazAqparat - Shymkentte balmuzdaqtan ýlanyp, aýrýhanaǵa túskender sany 188 adamdy qurady. Naýqastandyrń arasynda 27 adam salmonellez juqtyrǵany anyqtalǵan. Bul týraly búgin oblystyq densaýlyq saqtaý basqarmasynyń basshysy Muqan Egizbaev málimdedi, dep habarlaıdy QazAqparat tilshisi.
Muqan Keńesbekulynyń sózinshe, aýrýhanaǵa jatqyzylǵandardyń 101-i eresekter bolsa, 39-y 14 jasqa deıingi bala. Sondaı-aq 48-i kámelet jasyna tolmaǵan jasóspirimder.
«3-shi sáýirge deıin 99 naýqas úılerine shyǵaryldy. Qazirgi tańda aýrýhanada 89 aýrý em qabyldaýda. Aýrýlardyń jaǵdaılary orta dárejede. 4-shi jáne 5-shi sáýirde taǵy 50-60 naýqas jatqyzylady dep josparlanýda. Jaǵdaıy aýyr naýqastar joq ázirge. Aýrýhanaǵa jatqyzylǵan naýqastardyń barlyǵy jedel ótkir-ishek ınfektsııasymen túsken. 27 naýqasta salmonellez bakterııasy tabyldy»,- dedi oblystyq densaýlyq saqtaý basqarmasynyń basshysy Muqan Egizbaev.
Eske salaıyq, Shymkentte turǵyndar balmuzdaq satatyn «ıÝjnoe» saýda orynnan tátti jep, jappaı ýlanyp qalǵan bolatyn. Sonyń saldarynan 27 naýryzdan beri qalalyq juqpaly aýrýlar aýrýhanasyna 188 adam tústi. Óńirde osy jaǵdaıǵa baılanysty arnaıy komıssııa qurylyp, oblystyq qoǵamdyq densaýlyq saqtaý departamenti tarapynan tekserý sharalary júrgizilýde. Sondaı-aq oblystyq ishki ister departamenti Qylmystyq kodeksiniń 304-baby «sanıtarlyq qaǵıdalardy nemese gıgıenalyq normatıvterdi buzý» boıynsha qylmystyq is qozǵap, birneshe saraptamalar taǵaıyndaǵan bolatyn.
