Shymkentte balasyn uryp-soqqan áıelge qatysty tergeý bastaldy

ShYMKENT. QazAqparat - Shymkentte jumyspen qamtý ortalyǵynyń ájethanasynda belgisiz áıel balasyn uryp-soqqan. Qazir búldirshinge kúsh kórsetken áıeldiń tulǵasy anyqtalyp jatyr. Bul týraly qalalyq Polıtsııa departamentiniń baspasóz hatshysy Ásel Sádenova málimdedi, dep habarlaıdy QazAqparat tilshisi.

Aıta keteıik, ájethana ishinde balasyn jerge jatqyzyp qoıyp jylatqan áıeldiń vıdeosy Instagram áleýmettik jelisinde taraldy. Onda kıinip turǵan áıel qasyndaǵy adamdarǵa aýyr sózder aıtyp, dórekilik tanytqan. Bul kórinisti jelige jarııalaǵan qoldanýshy: «Búgin Shymkentte jumyspen qamtý bóliminiń əjethanasynda bolǵan. Balasyn uryp, teýip jatqan əıeldiń balaǵa arasha túsken adamdarǵa aıtqan sózi...», dep jazba qaldyrǵan.

Oqıǵaǵa baılanysty qalalyq Polıtsııa departamentiniń baspasóz hatshysy Ásel Sádenova jan-jaqty tekserý júrgizilip jatqanyn jetkizdi.

«Polıtsııa qyzmetkerleri tekserý jurmystaryn júrgizýde. Ázirge, oqıǵanyń keshe Jumyspen qamtý ortalyǵynda bolǵany anyqtalyp otyr. Áıeldiń tulǵasy anyqtalýda. Qosymsha aqparat tergeýden soń beriledi», - dedi Ásel Sádenova.