Shymkentte balasyn uryp óltirgen ógeı áke 8 jylǵa sottaldy

ShYMKENT. QazAqparat - Shymkentte balasyn uryp óltirgen ógeı áke 8 jylǵa bas bostandyǵynan aıyryldy. Eńbekshi aýdandyq soty 27 jastaǵy Erbolat Joldasovty kináli dep taýyp, jazasyn qylmystyq-atqarý júıesiniń ortasha qaýipsiz mekemesinde óteýdi belgiledi, dep habarlaıdy QazAqparat tilshisi.

Eńbekshi aýdandyq sotynyń málimetinshe, Erbolat Joldasov Qylmystyq kodekstiń 106- babymen («Densaýlyqqa qasaqana aýyr zııan keltirý») aıypty dep tanylǵan. Іsti qaraý kezinde aıyptalýshynyń ógeı ulyn namazdy durys oqymaı, azandy durys shaqyrmaǵany úshin urǵany tolyqtaı dálelin tapqan. Ony balanyń anasy da, sottalýshynyń ózi de jaýap berý kezinde aıtqan. Úkim shyǵarý kezinde sýdıa aıyptalýshynyń buryn sotty bolmaǵanyn, óz qylmysyn tolyq moıyndaǵanyn eskergen. Sondaı-aq, jasaǵan qylmysyna shyn ókinetinin eskerip jaza taǵaıyndaǵan.

Eske salaıyq, aıyptalýshy 2018 jyldyń 5 jeltoqsan kúni 5 jasar balasyn namazdy durys oqymaǵany úshin uryp-soqqan bolatyn. Sot-medıtsınalyq saraptama qorytyndysy onyń alǵan dene jaraqaty saldarynan ólgenin dáleldegen. Oblystyq klınıkalyq aýrýhananyń dárigerleri jansaqtaý bólimine óte aýyr halde túsken búldirshindi aman alyp qala almady. Sebebi onyń baýyry men kókbaýyry ezilip ketken edi.