Shymkentte balasyn urǵan áıeldiń isi boıynsha tergeý júrip jatyr

ASTANA. QazAqparat - Shymkentte óz balasyn aıaýsyz urǵan áıeldiń isi boıynsha tergeý júrip jatyr, dep habarlaıdy QazAqparat Polisia.kz saıtyna silteme jasap.

Saıttaǵy derekterge qaraǵanda, áleýmettik jelilerde anasynyń óz balasyna qatygezdik jasaǵany týraly beınejazba taraǵan. Atalǵan jaıt boıynsha Qarataý aýdandyq Polıtsııa basqarmasynyń qyzmetkerleri tekserý júrgizdi. Beınejazbada kórsetilgen áıel anyqtalyp, odan túsinikteme alyndy. Polıtsııa qyzmetkerleri jáne Bilim basqarmasynyń qorǵanshylyq jáne qamqorshylyq bóliminiń mamandary áıelmen túsindirý jumystaryn júrgizýde.

«Qazirgi tańda oryn alǵan jaıt boıynsha tergeý amaldary júrgizilýde»,-delingen materıalda.