Shymkentte balasyn kúrekpen urǵan turǵynǵa qatysty prokýror málimdeme jasady
Shymkent qalasyna qarasty Eńbekshi aýdanynyń prokýrory Marat Smatov búgin osyndaı málimdeme jasady, dep habarlaıdy QazAqparat HAA tilshisi.
Aýdan prokýrorynyń sózinshe, 49 jastaǵy turǵyn balasyna ashýy kelip, ony tártipke salmaq bolǵan. Óıtkeni ol jumyssyz bolǵandyqtan jaldanyp nápaqa tabady eken. Tipti sol kúni de ol jaldamaly jumys istep júripti.
«Áleýmettik jelide aıtylǵandaı, er azamat balasyn kúnde kógertip urady eken, sýǵa salyp qoıady eken degen sózder shyndyqqa janaspaıdy. Ol jerde bir nárseni túsinip, jetkizý kerek. Ol jerde bir nárseni túsinip, jetkizý kerek. Qarabaev Pernebek Altynbekuly 2012 jyly týǵan balasy Altynbek Qasymbek Pernebekulyn bir jas alty aıynan jalǵyz ózi tárbıeleýde. Ol jyl saıyn ár jerde jaldamaly jumys jasaıdy, úıindegi tamaǵyn da ózi istep otyr. Jumyssyz. Aýyrtpalyq ár jerde bolady ǵoı, jaldanyp jumys istep turǵan jerinde balasy buzyqtyq jasap, úı ıesinen syn eskertpe alǵan. Ákesiniń jumysyna kedergi keltirgen. Biz ol beınejazbany qarap shyqqanymyzda, balanyń basynan kúrekpen sál-sál tıgizip urǵan da, artynsha shapalaqpen tartyp jibergen. Odan ne úshin balany urdyń dep suraǵanymyzda úı ıesinen eskertý alǵan soń, balamdy osylaı tártipke shaqyrdym dedi. Balamdy kishkentaıynan ósirip kele jatqanda jamandyq jasamaımyn ǵoı dep bizdi sendirdi»,-deıdi Marat Smatov.
Qadaǵalaýshy organ ókili sondaı-aq bul beınejazbany ýaqytsha jumys bergen azamatsha Qyz-Jibek Álimjanova túsirip, áleýmettik jelige salǵanyn aıtty. Psıhologtar baladan jaýap alý barysynda ol ákesine renishi joq ekenin jetkizgen. Qalaı bolǵanda da qazirgi kezde tergeý sharalary júrgizilýde eken.
«Qazirgi kezde tekserý júrgizip jatyrmyz. Bul is boıynsha sot-medıtsınalyq saraptama taǵaıyndaldy. Balanyń qandaı dene jaraqaty bar, sony anyqtap alyp, tıisty shara qoldanatyn bolamyz. Múmkin ol jaraqat aýyr ma, álde jeńil ma, múldem joq pa sol jaǵyn anyqtap alýymyz kerek. Odan keıin bul isti qylmystyq quqyq buzýshylyq qataryna jatqyzamyz. Balanyń ákesine qatysty bultartpaý sharasy qoldanylǵan joq áli. Qashyp ta ketpeıdi. Balany ákesinen bólip alǵanda da kim ákesindeı qaraıdy oǵan. Ákesi tergeýge de kelip jatyr, jaýap ta berip jatyr»,-dedi Eńbekshi aýdanynyń prokýrory
Aıta keteıik, WhatsApp áleýmettik jelisine balasyn kúrekpen urǵan beınejazba tarap ketken bolatyn. Ony jelige júktegender Shymkentte bul kórinistiń Shymkenttegi 11-shi móltekaýdanynda túsirilgenin habarlaǵan. Keıin bul jazba boıynsha polıtseıler izdestirý sharalaryn júrgizip, balaǵa kúsh qoldanǵan turǵyndy ustady. Tártip saqshylary onyń balanyń ákesi bolyp shyqqany ári ústinen qylmystyq is qozǵalyp, tergeý sharalasy júrgizile bastaǵanyn málimdegen edi.
