Shymkentte balasyn kúrekpen urǵan turǵyn aqyry ustaldy
ShYMKENT. QazAqparat - Shymkentte polıtseıler balasyn basynan kúrekpen urǵan 49 jastaǵy turǵyndy ustady. Bul týraly oblystyq ІІD baspasóz qyzmeti málimdedi. Qazirgi tańda qolǵa túsken áke Eńbekshi aýdandyq polıtsııa bólimine jetkizilip, odan jaýap alynýda, dep habarlaıdy QazAqparat HAA tilshisi.
Tártip saqshylary kúdiktiniń ne sebepti balasyn uryp, jazalaǵanyn anyqtap jatyr. Al basynan birneshe ret soqqy alyǵan balaǵa birneshe sot-medıtsınalyq saraptama taǵaıyndaldy. Eske salaıyq, balanyń basynan kúrekpen urǵan qatygez turǵyn túsirilgen beınejazba WhatsApp áleýmettik jelisine tarap ketken bolatyn.
Onda er azamat 4-5 jas shamasyndaǵy balany bir-biriniń ústine qalanyp ornatylǵan kólik dóńgelekteriniń ishine turǵyzyp qoıyp, basynan kúrekpen uryp jatqany túsirilgen. Al sharasyz bala qorǵanyp, basyn qolymen jabýǵa tyrysady. Al oqıǵanyń kýási bolyp turǵan áıel balaǵa kómektesýge qulyqsyzdyq tanytqan.
Osydan keıin oblysty ІІD qyzmetkerleri derek boıynsha Qylmystyq kodekstiń 110-babymen («Azaptaý») qylmystyq is qozǵady. Shymkent qalasyna qarasty Eńbekshi aýdandyq polıtsııa bóliminiń qyzmetkerleri balany urǵan adamdy izdestirgen bolatyn. Endi qatygez áke zań talaptary boıynsha qylmystyq jaýapqa tartylatyn bolady.
