Shymkentte balasyn aıaýsyz urǵan áıelge qatysty qylmystyq is qozǵaldy

ASTANA. QazAqparat - Shymkenttiń jumyspen qamtý ortalyǵynda óziniń balasyn aıaýsyz sabaǵan áıelge qatysty qylmystyq is qozǵaldy, dep habarlaıdy QazAqparat Shymkent qalalyq Polıtsııa departamentiniń baspasóz qyzmetine silteme jasap.

«Instagramm jelisinde jarııalanǵan vıdeodaǵy kórinis negizinde, kámeletke tolmaǵan balaǵa kúsh qoldanylý múmkindigine baılanysty QR QK-niń 140 baby «Kámeletke tolmaǵan balaǵa tárbıe berý boıynsha mindetterin oryndamaý» negizinde sotqa deıingi tergeý amaldary júrip jatyr»,-dep habarlady baspasóz qyzmeti.

Osyǵan deıin, Jumyspen qamtý ortalyǵynyń ájethanasynda áıel adamnyń balasyna jerge laqtyryp jiberip, aıaǵymen tepkendigi týraly habarlanǵan bolatyn. Sonymen qatar áıel ózin toqtatpaq bolǵandarǵa dóreki sózder aıtqan.