Shymkentte balalarǵa arnalǵan «Qalqanqulaq» telehıkaıasynyń tusaýy kesildi
ShYMKENT. QazAqparat - Shymkentte balalarǵa arnalǵan jańa fılmniń tusaýy kesildi. «Qalqanqulaq» dep atalatyn kóp serııaly telehıkaıa qııal - ǵajaıyp oqıǵalarǵa negizdelgen, dep habarlaıdy QazAqparat HAA tilshisi.
«SAQ» kınostýdııasynda túsirilgen «Qalqanqulaq» telehıkaıasy alǵash ret Jumat Shanın atyndaǵy oblystyq akademııalyq qazaq drama teatrynda kórsetildi. Túsirilim akterlary jəne kórermenderdiń qatysýymen ótken sharany oblystyq ishki saıasat basqarmasy uıymdastyrdy.
Óskeleń urpaqty patrıottyq rýhta tárbıelep, óz eline degen súıispenshiligin arttyratyn týyndy 12 serııadan turady. Qazaqstan Ulttyq arnasynyń qoldaýymen túsirilgen telehıkaıanyń basty keıipkerleri qalqanqulaqqa aınalǵan Oljas pen aqyldy Baqbergenniń rólderin Shymkent qalasynyń kishkene, daryndy akterlary Ersultan Sirgebaı men Nurıman Ədilhan somdaıdy. Shytyrman oqıǵaǵa toly fılmdi kórgen jetkinshekter túrli obrazdaǵy keıipkerler arqyly jaqsy men jamandy ajyrata alatyn bolady. Túrli effektilermen kórkemdelgen telehıkaıaǵa 2-D jáne 3D-formattary qoldanylǵan. Kórkem fılm stsenarııiniń avtory jəne rejısseri - Batyrhan Dáýrenbekov.
Aıta keteıik, Batyrhan Dáýrenbekov basshylyq etetin kınostýdııa qazaq balalaryna arnalǵan «Tompaq» sııaqty kóptegen fılmder men «Qoshqar men teke», «Qajymuqan» syndy birneshe anımatsııalyq týyndylardy ekranǵa shyǵarǵan. Endi jas kórermender ulttyq arna men «Balapan» kanalynan «Qalqanqulaq» fılmin de kóretin bolady.
