Shymkentte balabaqsha órtendi
ShYMKENT. QazAqparat - Shymkentte balabaqshadan órt shyqty, dep habarlaıdy QazAqparat tilshisi.
Oblystyq tótenshe jaǵdaılar departamentiniń málimetinshe, Respýblıka dańǵylynda ornalasqan №66 «Bolashaq» balabaqshasynda órt 2 jeltoqsan túngi saǵat 23:00 shamasynda tutanǵan. Jalyn ǵımarattyń birinshi qabatynda ornalasqan jatyn bólmeden shyqqan, aǵash edender men eski zattar jáne plastıkalyq terezeler janǵan.
Oqıǵa ornyna tótenshe jaǵdaılar qyzmetinen 8 sóndirýshi men 2 tehnıka attanǵan. Alaıda balabaqsha qyzmetkerleri qutqarýshylar kelgenshe otty óz kúshterimen sóndirgen. Tótenshe jaǵdaı túnde bolǵandyqtan zardap shekkender joq. Jalynnyń sharpyǵan aýmaǵy 15 sharshy metrdi qurady.
2 jeltoqsan kúni sondaı-aq qaladaǵy turǵyn úılerdiń birinen órt shyǵyp, bir adam qaza tapty. Qalanyń irgesindegi Aınatas eldimekeninde kúndizgi saǵat 15.32 shamasynda jeke úı janǵan. Tilsiz jaý baspananyń 24 sharshy metr aýmaǵyn sharpydy. Órtti sóndirýge 8 adam jáne 2 tehnıka jumyldyryldy. Ot 16.40-ta tolyǵymen sóndirildi. Oqıǵa ornynda 32 jastaǵy er adamnyń máıiti tabyldy.
Qazirgi tańda eki órt oqıǵasynyń da shyǵý sebebi men kelgen shyǵyn kólemi anyqtalýda.
