Shymkentte BAQ ókilderi arasynda shaǵyn fýtboldan respýblıkalyq týrnır ótti
Saıysty qala ákiminiń birinshi orynbasary Qaırat Nurtaı resmı túrde ashyp, jınalǵandardy Táýelsizdik kúnimen quttyqtady, dep habarlaıdy QazAqparat tilshisi.
Respýblıkalyq týrnırge elimizdiń ár óńirinen kelgen 13 komanda qatysty. Al, týrnırdiń júlde qory 2 mıllıon teńgege jýyq dep belgilendi.
Saıystyń jartylaı fınalynda Almatylyq «Alaman» jəne «Aport» komandalary kezdesip, 3-1 esebimen «Alaman» komandasy jeńiske jetti.
Ekinshi jartylaı fınaldyq kezdesýde Qyzylordadan kelgen «Aqmeshit» jáne «Habar» telearnasynyń «Astana» komandasy kezdesip, 1-5 esebimen habarlyqtar jeńiske jetti. Aqtyq saıysta «Alaman» jáne «Habar Astana» komandalary kezdesti. Asa tartysty ótken kezdesý 0:1 esebimen «Habar Astana» komandasynyń paıdasyna sheshildi.
Sonymen, «Habar Astana» komandasy shaǵyn fýtboldan BAQ ókilderi arasynda Shymkent qalasy ákiminiń Kýbogy úshin ótken respýblıkalyq týrnırde jeńiske jetip, 1 mln teńgeni utyp aldy.
Jarys jeńimpazdaryn Shymkent qalasy ishki saıasat jáne din isteri basqarmasynyń basshysy Murat Bazarqulov marapattady. «Shymkent Aqparat» JShS dırektory, «Shymkent kelbeti - Panorama Shymkenta» gazetteriniń bas redaktory Aıgúl Qapbarova jekelegen fýtbolshylardy arnaıy nomınatsııalarmen marapattady.
Jarys qortyndysy boıynsha Berik Ýálı (Jambyl oblysy) «Úzdik shabýylshy», Oljas Kúlteshov (Almaty oblysy) «Úzdik oıynshy», Esenjol Elekenov (Oral qalasy) «Úzdik qorǵaýshy», Aıdos Manat («Egemen Qazaqstan» gazeti) «Úzdik qaqpashy» dep tanylyp, olarǵa 25 myń teńge kóleminde qarjylaı júlde berildi.