Shymkentte Badam ózenindegi kópir jóndeýge jabylady
ShYMKENT. QazAqparat - Shymkenttegi mańyzdy kópirlerdiń biri jóndeýge jabylady. Badam ózenindegi kópirden endi kólikter mamyr aıynyń 12-sinen 31-ne deıin óte almaıdy.
Mundaı aqparatty qalalyq ákimdiktiń ókilderi taratty, dep habarlaıdy QazAqparat HAA tilshisi.
Shahar basshylyǵynyń málimetinshe, mal bazary mańyndaǵy kópir qaıta jóndeýden ótedi. Onyń ústimen osy ýaqytqa deıin jeńil jáne júk kólikteri ótip kelgen bolatyn. Aıta keteıik, Tashkent-Almaty baǵytyndaǵy tasjoldyń (A-2) ústindegi kópir 1960 jyly salynǵan. Sońǵy 15 jylda oǵan eshbir jóndeý jáne aldyn alý jumystary júrgizilmegen. Osyǵan oraı 2016 jyly aınalma jol kútip-ustaý úshin Shymkent ákimdiginiń qaramaǵyna berilgen.
Taıaýda Shymkent qalalyq jolaýshylar kóligi jáne avtomobıl joldary bóliminiń mamandary kópirdi qarap shyqty. Sonyń nátıjesinde jóndeý týraly sheshim qabyldanyp otyr. Jumystar 19 kúnde aıaqtalady dep josparlanýda. Osy aralyqta kópir jabyq bolady.
Jeńil kólikter jáne oblysaralyq Maqtaaral-Taraz-Almaty baǵytyndaǵy kólik qatynasy qala aýmaǵynan, ıaǵnı Gagarın kóshesi arqyly A-2 tasjolyna shyǵý arqyly júredi. Al júk jáne tranzıttik kólikter KH17 jáne KH11 tasjoldarymen ótedi.
