Shymkentte azyq-túlik beldeýi qurylady
ShYMKENT. QazAqparat - Shymkentte azyq-túlik beldeýi qurylady. Bul jóninde OQO oblys ákimi QR Prezıdentiniń tarapynan berilgen tapsyrmalardyń oryndalý boıynsha ótken keńeıtilgen májiliste aıtty. Sonymen qatar, jıynda Shymkent qalasynyń ákimine qalanyń damý josparyna qatysty birqatar tapsyrmalar berdi.
Shymkent qalasyn aglomeratsııalyq ortalyq retinde damytý maqsatynda jáne qala halqyn azyq-túlikpen qamtamasyz etý úshin oblystyń aýdandary men Shymkent qalasynyń arasynda aýyl sharýashylyǵy ónimderin qaıta óńdeý óndiristerin qurýǵa baılanysty memorandýmǵa qol qoıylady. Bul týraly oblys ákimdiginiń baspasóz qyzmeti habarlady.
«Qalany azyq-túlikpen qamtamasyz etetin agrarlyq sektorda shaǵyn jáne orta bıznes beldeýin qurýdy tapsyramyn. Sonymen qatar, jasyl beldeý qurý maqsatynda baqtar men orman aımaǵyndaǵy jerlerge tolyq tekserý júrgizý qajet dep bilemin», - dedi oblys ákimi Beıbit Atamqulov.
Sondaı-aq, Elbasynyń tapsyrmalaryna oraı, óńirdiń jáne aýdan, qalalardyń aımaqtyq damý kartasy jasalady.
