Shymkentte azyq-túlik baǵasyn ósirgenderge eskertý jasaldy

ShYMKENT. QazAqparat - Shymkentte azyq-túlik baǵasyn ósirýshilerge eskertý jasaldy, dep habarlaıdy QazAqparat tilshisi.

Shymkentte qalasyndaǵy azyq-túlik baǵasyn negizsiz kótergen dúken ıelerine jazbasha eskertý berildi.

Olardyń ishinde aýla ishindegi dúkendermen birge «Imran» saýda úıi de bar.

Mamandardyń aıtýynsha, baǵany negizsiz joǵarylatý qaıtalansa, endigi jerde aıyppul salynady.

«Ál-Farabı aýdany aýmaǵyndaǵy iri saýda oryndary men úı aldyndaǵy azyq-túlik dúkenderin aralap, birinshi kezekte áleýmettik mańyzy bar taýarlarǵa monıtorıng júrgizdi. Onyń nátıjesinde, birneshe taýardyń baǵasy belgilengen on bes paıyzdan asa ústeme qoıylyp satylyp jatqany anyqtalyp, kásipkerlik nysan ıelerine «Ákimshilik quqyq buzýshylyq týraly» kodekstiń 204-4 babyna sáıkes eskertý berildi» - deıdi Ál-Farabı aýdany ákiminiń baspasóz qyzmeti Gúlshat Qanat.

Sondaı-aq, ákimdik qyzmetkerleri arnaıy senim telefonyn jarııalady.

Turǵyndar qala aýmaǵyndaǵy dúkenderde taýar baǵalarynyń qymbattaǵanyn baıqasa 24-75-41 senim telefonyna habarlasa alady.