Shymkentte ázirge «jekemenshik» túrme salynbaıtyn boldy
ASTANA. QazAqparat - Birqatar buqaralyq aqparat quraldary 2017 jyly Shymkent qalasynda Qazaqstandaǵy tuńǵysh «jekemenshik» túrme salynady dep jazǵan bolatyn. QazAqparat tilshisiniń resmı saýalyna jaýap bergen Іshki ister mınıstrliginiń baspasóz qyzmeti túzetý mekemesiniń qurylysy keıinge shegerildi dep habarlady.
«Aldaǵy ýaqytta Qazaqstanda memlekettik-jekemenshik áriptestik aıasynda túzetý mekemelerin salý kózdelmeıdi. QR Ulttyq ekonomıka mınıstrligi 2017 jylǵy 5 qańtarda «Ońtústik Qazaqstan oblysynda (Shymkent q.) 1 500 orynǵa arnalǵan túzetý memekesin salý jáne paıdalanýǵa berý» kontsessııalyq jobasynyń usynysyna ekonomıkalyq teris sıpattaǵy qorytyndy berdi», - dep habarlady ІІM baspasóz qyzmeti.
Alaıda, baspasóz qyzmetiniń atap ótkenindeı, qazir elimizde jańa túzetý mekemelerin salý asa qajet.
«Qazirgi ýaqytta elimizde jańa túzetý mekemeleriniń qurylysyn salý máselesi áli de ózekti. Bul rette jobany bolashaqta memleket qarajatynyń esebinen iske asyrý máselesi qarastyrylyp jatyr», - dep habarlady ІІM.
