Shymkentte «Azamattarǵa arnalǵan úkimet» qyzmetkerleri balalar úıine syılyq jasady
Halyqaralyq balalardy qorǵaý kúni búldirshinderge qamqorlyq kórsetý korporatsııa qyzmetkerleri tarapynan dástúrge aınalǵan, dep habarlaıdy QazAqparat tilshisi.
Búginde №3 balalar úıinde 4 pen 17 jas aralyǵyndaǵy 68 búldirshin tárbıelenýde. Fılıal qyzmetkerleri olarǵa táttiler men jemister ákelip berdi. Sondaı-aq, qajetti kıim-keshek pen aıaq kıimder, oıynshyqtar men kitaptar syılady. Óz kezeginde jas jetkinshekter de qonaqtardy qýana qarsy alyp, merekelik kontsertin usyndy. Sahnaǵa shyǵyp án men kúıden shashý shashty.
«Balalardyń kúlkisi - baǵa jetpes dúnıe! Bóbekterdiń eresekterge degen senimi basym. Biz sol senimdi aqtaýǵa tıispiz. Árbir balanyń deni saý bolyp, qamqorlyqqa kenelip, óz otbasyn tabýyna tilektespin. Biz balalardyń baqytty jáne qaýipsiz balalyq shaǵy úshin jaýapty ekenimizdi umytpaýymyz kerek!», - dedi fılıal dırektory Danabek Isabekov.
Balalar úıiniń dırektory Qyrmyzy Qojamjarova bolsa korporatsııa basshylyǵyna syılyqtary úshin rızashylyǵyn bildirip, alǵysyn aıtty.