Shymkentte áıeldi lıftide pyshaqtap óltirgen kúdikti ustaldy
Keshqurym áıel úıine qaıtyp kele jatqan. Sómkesinde qomaqty aqsha men altyn buıymdary bolǵan bolýy múmkin. Marqum sońǵy ret jedelsatyǵa minip turǵanyn bilmese kerek. Kisi óltirýshi jedelsatyǵa áıelmen birge mingen. Qaraqshy sómkeni tartyp almaq bolǵanda áıel qarsylyq tanytqan. Soǵan ashýlanǵan kúdikti marqumǵa birneshe jerinen pyshaq suqqan. Nátıjesinde sońǵy siltegen pyshaǵy ajal qushtyrdy.
Aram oıyn júzege asyrǵan kisi óltirýshi sómkeni alyp, taksıge otyryp, oqıǵa ornynan tabanyn jaltyratqan. Іzin jasyrmaq bolǵan kúdikti 3 ret taksı aýystyrǵan. Sómkedegi kózdegenine qol jetkizgen ol aıǵaq zattardan tezirek qutylǵysy kelip SMÝ-4 aýdany aımaǵyndaǵy qoqys jáshigine laqtyryp ketken. Sol jerde beınekameraǵa túsip qalǵan.
Kúdiktini uıaly telefon ustap berdi. Baılanys operatorynyń sıgnaly boıynsha marqum áıeldiń telefony kúdiktiniń qaı jerde ekenin anyqtap bergen. Sonyń arqasynda taksı júrgizýshisin jáne qatygezdikpen adam óltirgen qylmyskerdi qolǵa túsirdi. Qylmysker buryn sottalǵan 48 jastaǵy azamat ekendigi anyqtaldy.