Shymkentte áıelderdi zorlyq-zombylyqtan qorǵaýǵa baǵyttalǵan aktsııa ótti

ShYMKENT. QazAqparat – Shymkentte «Áıelderge qatysty zorlyq-zombylyqsyz 16 kún» aktsııasy ótti. Qalalyq polıtsııa qyzmetkerleri uıymdastyrǵan aýqymdy shara aıasynda otbasylyq zorlyq-zombylyqqa qarsy is-qımyl boıynsha aqparattyq-konsýltatsııalyq keńes berildi, dep habarlaıdy QazAqparat tilshisi.

Shara barysynda ál-Farabı aýdany polıtsııa basqarmasynyń áıelderdi qorǵaý tobynyń qyzmetkerleri jergilikti turǵyndarmen kezdesip, turmystyq zorlyq-zombylyq taqyrybynda áńgime ótkizdi. Turǵyndarǵa qoldanystaǵy zańnamanyń erejeleri, atap aıtqanda, uryp-soǵý úshin jaýapkershilik, sondaı-aq otbasynda zorlyq kórgen áıel ne isteýi kerek - sonyń bári túsindirildi.

Kezdesý barysynda barlyq qatysýshylarǵa jadynamalar men aqparattyq býkletter, ІІM «senim telefondary» jáne otbasyndaǵy zorlyq-zombylyqtan zardap shekkenderge arnalǵan daǵdarys ortalyǵynyń baılanys nómiri jazylǵan broshıýralar tabystaldy.

Qatysýshylar ózderin qyzyqtyrǵan suraqtarǵa jaýap aldy.