Shymkentte áıelder fýtbolynan el chempıonaty aıaqtaldy
NUR-SULTAN. QazAqparat - Shymkent qalasynda áıelder fýtbolynan el chempıonaty aıaqtaldy. Eki kezeń qorytyndysy boıynsha Nur-Sultan qalasynyń komandasy júldeli úshinshi oryndy jeńip aldy. QazAqparat bul týraly elorda ákimdigine silteme jasap habarlaıdy.
«Komandanyń chempıonatqa daıyndyǵy úshin barlyq jaǵdaı jasaldy. Qyzdardyń jıyndary óte joǵary deńgeıde boldy jáne bul bizdiń basshylyqtyń zor eńbegi. Jalǵyz kemshiligi – joldastyq oıyndardyń bolmaýy. Jasyratyny joq, alǵashqy baqylaý matchyn biz resmı kezdesý bastalardan úsh kún buryn ótkizdik. Munyń sebebi túsinikti, barlyq memlekettik mektepterde koronovırýs pandemııasyna baılanysty sabaqtarǵa tyıym salyndy. Degenmen, qyzdar berilmedi jáne týrnır kestesinde ekinshi oryndy ıelený, bul týrnırdiń fınalynda qol jetkizý kerek mınımým kórsetkish ekenin bári jaqsy túsindi. Jattyqtyrýshylar shtabyna zor alǵysymdy bildirgim keledi, olar daıyndyq pen uıymdastyrý máselelerin ózderine aldy», - dedi №8 ORMBJM áıelder komandasynyń bas bapkeri Ilıa Melanıch.
Esterińizge sala keteıik, № 8 balalar men jasóspirimderdiń mamandandyrylǵan olımpıadalyq rezerv sport mektebiniń sportshylarynan quralǵan áıelder quramasy byltyrǵy jyly da Qazaqstan chempıonatynda úshinshi orynǵa turaqtaǵan bolatyn.
