Shymkentte áıelder arasynda qol dobynan el chempıonaty ótýde
ShYMKENT. QazAqparat - Shymkentte qol qol dobynan el chempıonaty ótýde. Áıelder arasyndaǵy tartysty básekege sýperlıga jáne joǵary lıga komandalary qatysyp otyr, dep habarlaıdy QazAqparat HAA tilshisi.
Shymkenttegi joǵary sport sheberlerligi mektebiniń sport kesheninde ótip jatqan chempıonat asa tartysty bastaldy. Joǵary lıga komandalary arasynda ońtústiktiń «Qazyǵurt» komandasy tórt kezdesý ótkizip, tórteýinde de jeńiske jetti. Kúngeılik sportshylar Qyzylorda oblysynyń qyzdarymen kezdesý ótkizgen bolatyn. Odan keıin jeńimpaz komanda Qaraǵandy oblysynyń arýlarymen sheberlik baıqasqan. Nátıjesinde jergilikti komanda 30-27 esebimen taǵy da basym túsip, jeke dara top bastady.
Sýperlıga komandalary arasynda 6 komanda baq synaýda. Bul topta qyzylordalyqtardyń qarqyny zor. Olar buǵan deıingi kezdesýlerin sátti ótkizip, týrnır kestesinde 1-orynda tur. Sheshýshi kezdesý osy eki komandanyń arasynda órbıtin bolady.
Aıta keteıik, kezinde olımpıada oıyndaryna qatysyp, el namysyn qorǵaǵan «Qazyǵurt» komandasy ótken jylǵy chempıonatta altyn medaldi jeńip alǵan bolatyn. Quramanyń bas bapkeri Berik Beknazarovtyń sózinshe endigi maqsat - sol joǵary ataqty saqtap qalý bolyp otyr.
