Shymkentte «AYBA-Januıa» qarjy pıramıdasyn qurý boıynsha qylmystyq is tergelip jatyr

ASTANA. QazAqparat - «AYBA-Januıa» qarjy pıramıdasyn qurý jáne basqarý faktisi boıynsha qylmystyq isti Qarjy monıtorıngi agenttiginiń Shymkent qalasy boıynsha departamenti tergep jatyr, dep habarlaıdy QazAqparat agenttiktiń baspasóz qyzmetine silteme jasap.

Jaýapkershiligi shekteýli seriktestik oıdan shyǵarylǵan sharttarmen azamattarǵa baspana alýǵa kómek kórsetetini anyqtaldy. Áleýmettik jelilerde sıpattalǵan sharttarǵa sáıkes ınvestor 5000 teńge salyp, odan keıin 5 nemese odan da kóp adamdy tartýy kerek.

Adamdardy tartqannan keıin salymshyǵa salǵan somasy qaıtarylady jáne syılyq beriledi. Belgili bir deńgeıge jetken soń salymshyǵa páter nemese 10 mıllıon teńge ýáde etilgen.

Eske salaıyq, qarjylyq (ınvestıtsııalyq) pıramıda shemalaryn qurý QR QK 217-baby boıynsha múlki tárkilenip, 10 jylǵa deıin bas bostandyǵynan aıyrý túrindegi jazamen qylmystyq jaýapkershilikti kózdeıdi.

«Azamattardy qyraǵy bolýǵa jáne qysqa merzimde artyq paıda tabý týraly kúmándi usynystardan aýlaq bolýǵa shaqyramyz.

Qurmetti azamattar!

«AYBA-Januıa» qarjylyq pıramıdasynyń qurbany bolsańyz, senim telefondaryna habarlasyńyz»,-delingen habarlamada.