Shymkentte aıaldamadaǵylardy kólik qaqty: 8 adam zardap shegip, 1 bala qaza tapty

OQO-da búgin kúndiz 5 bala oblystyq balalar aýrýhanasyna tústi. Bas dárigerdiń orynbasary Bolat Nusqabaevtyń aıtýynsha, olardyń úsheýi tekserilgennen keıin úılerine qaıtaryldy. Eki bala aýrýhanada qaldy. «8 jastaǵy er bala mı jaraqatyn alǵan, ony jansaqtaý bólimine jatqyzdyq. 6 jastaǵy qyz balanyń mıy shaıqalǵan. Qazir balalardyń jaǵdaıy ortasha aýyr dárejede dep baǵalanýda», - dedi B. Nusqabaev.

Taǵy bir bala aýyr jaǵdaıda qalalyq balalar aýrýhanasyna jetkizildi. Eki eresek adam jedel medıtsınalyq kómek aýrýhanasyna jetkizildi. Bireýi úıine qaıtarylyp, ekinshisi jansaqtaý bóliminde.

Bir bala oqıǵa ornynda kóz jumdy. Kýálerdiń aıtýynsha, aıaldamada turǵan adamdardy sheteldik kólik basyp ótken. Júrgizýshi ustaldy. Sot aldy tergeý júrgizilýde.