Shymkentte aıaldamada tóbeles shyǵarǵan avtobýs júrgizýshileri jazalandy

ShYMKENT. QazAqparat - Búgin Shymkent qalasynda saǵat 8:50 shamasynda Baıtursynov jáne Rysqulov kósheleriniń qıylysyndaǵy aıaldamada №93 jáne №19 marshrýttyq avtobýstardyń júrgizýshileri joldy bóle almaı toqtap, qozǵalysqa kedergi jasaǵan, dep habarlaıdy Shymkent qalasy Polıtsııa departamentiniń baspasóz qyzmeti.

Budan keıin jolaýshylardyń aldynda tóbelesip qalǵan. Birneshe mınýttan keıin júrgizýshiler tynyshtalyp, ketýdi uıǵarǵan. Shymkent qalasy Polıtsııa departamentiniń qyzmetkerleri bul oqıǵaǵa dereý áreket etip, shara qabyldady. Ál-Farabı APB-nyń ýchaskelik polıtsııa ınspektory polıtsııa kapıtany Ernar Qoshanov 2 saǵat ishinde júrgizýshilerdi anyqtap, tirek pýnktine jetkizdi. Olarmen profılaktıkalyq áńgime júrgizip, QR ÁQBtK-niń 434-baby 1-bóligimen ákimshilik hattama toltyrdy.